پنجاب میں اپنا کھیت اپنا روزگار اسکیم پورٹل کا اجرا

پنجاب میں اپنا کھیت اپنا روزگار اسکیم پورٹل کا اجرا کر دیا گیا، جہاں وزیراعلیٰ مریم نواز نے اس منصوبے کا باضابطہ افتتاح کیا۔ اس اقدام کا مقصد دیہی علاقوں میں بے روزگار کاشتکاروں کو روزگار اور زمین فراہم کرنا ہے۔

اس اسکیم کے تحت صوبے کے مختلف اضلاع میں 13 ہزار 812 زرعی پلاٹس تقسیم کیے جائیں گے۔ اس منصوبے سے 88 ہزار سے زائد خاندان مستفید ہوں گے۔ یوں حکومت زرعی شعبے کو مضبوط بنانے اور دیہی معیشت کو بہتر کرنے کی کوشش کر رہی ہے۔

اعلامیے کے مطابق کامیاب امیدواروں کو 10 سال کے لیے زمین دی جائے گی۔ ہر کاشتکار کو 25 سے 40 لاکھ روپے مالیت کی زرعی زمین فراہم کی جائے گی۔ تاہم یہ زمین صرف کاشتکاری کے لیے استعمال ہوگی۔

مزید پڑھیں: امریکا ایران کشیدگی کم کرنے کیلئے پاکستان کی بھرپور کوششیں: محسن نقوی

مزید یہ کہ زمین پر کسی بھی قسم کی تعمیرات کی اجازت نہیں ہوگی۔ کاشتکار اپنی مرضی کی فصل کا انتخاب کر سکیں گے۔ اس سے پیداوار میں اضافہ اور جدید زرعی طریقوں کو فروغ ملنے کی توقع ہے۔

حکومت فی ایکڑ 50 ہزار سے ڈھائی لاکھ روپے تک ون ٹائم گرانٹ بھی دے گی۔ درخواستیں 2 مئی سے 18 مئی تک جمع کرائی جا سکتی ہیں۔ پنجاب میں اپنا کھیت اپنا روزگار اسکیم پورٹل کا اجرا دیہی ترقی کی جانب اہم قدم قرار دیا جا رہا ہے۔